इचलकरंजी संघावर मात करत कोल्हापूर विभागात अव्वल येण्याचा मिळविला मान
राज्य स्तरीय टेबल टेनिस स्पर्धेत कोल्हापूर विभागाचे नेतृत्व करणार मालवणचा संघ
जुबेर खान | मालवण : डेरवण-रत्नागिरी येथे झालेल्या कोल्हापूर विभाग स्तरीय टेबल टेनिस स्पर्धेत मालवण जय गणेश इंग्लिश मीडियम स्कूल चा १४ वर्षे खालील मुलांचा संघ अंतिम विजयी ठरला. अंतिम सामन्यात या संघाने इचलकरंजी संघावर मात करत कोल्हापूर विभागात अव्वल येण्याचा मान मिळविला. पुढे होणाऱ्या औरंगाबाद येथील राज्यस्तरीय टेबल टेनिस स्पर्धेत कोल्हापूर विभागाचे नेतृत्व जय गणेश स्कूल, मालवण चा संघ करणार आहे. विजेत्या विद्यार्थी संघाचे विविध स्तरा मधून अभिनंदन केले जात आहे.
या यशस्वी विद्यार्थ्यां मध्ये लौकिक तळवडेकर, योगेश परुळेकर आणि आकाश साळगावकर यांनी उत्कृष्ट खेळाचे प्रदर्शन करत विजय संपादन केला. वरील सर्व विद्यार्थ्यांना श्री, कोरगावकर सर, श्री चंदू साळवी, श्री विलास परुळेकर, श्री पंकज राणे सर, श्री निशिकांत पराडकर सर यांचे मार्गदर्शन लाभले.
सर्व विद्यार्थ्यांचे मालवण एज्युकेशन सोसायटीचे अध्यक्ष आणि सदस्य, जय गणेश इंग्लिश मीडियम स्कुल च्या मुख्याध्यापिका,सर्व शिक्षक शिक्षकेतर कर्मचारी यांनी अभिनंदन करत पुढील राज्य स्तरीय स्पर्धेसाठी शुभेच्छा दिल्या.
