संजय माने : पोईप मालवण तालुक्यातील पोईप, खोटले, वायंगवडे धनगर वाडी येथील धनगर समाज बांधवांची नुकतीच शिवसेना जिल्हाप्रमुख दत्ता सामंत यांनी भेट घेतली आणि त्यांच्याशी विकासात्मक समस्या जाणून घेतल्या अनेक विषयांवर चर्चा केली त्यांच्या विविध अडचणी जाणून घेतल्या त्यामध्ये मुख्यतःवाडी वसतीत जाणारे रस्ते, पिण्याच्या पाण्यासाठी नळयोजना व स्मशान शेड या प्रमुख समस्या आज कीत्येक वर्षे येथील जनतेला भेडसावत असल्याचे धनगर समाज बांधवांनी जिल्हा प्रमुख दता सामंत यांच्या कडे मांडल्या.
त्या वेळी जिल्हा प्रमुख दत्ता सामंत यांनी पोईप, खोटले , वायंगवडे या तिन्ही गावांतील धनगर वाडी साठी स्वतंत्र रस्ते व नळपाणी योजना सुरू करुन देण्याचे आश्वासन दिले असुन या मार्गातील निर्माण झालेला दगडांचा अडथळा दुर करण्यासाठी रोख रक्कम विस हजार रुपयांची आर्थिक मदत दिली आहे. व या पुढेही सदैव आपल्या पाठीशी राहण्याचे आश्वासन दिले आहे. पोईप, खोकले, वायंगवडे या तीन गावच्या धनगर बांधवांसाठी मध्यवर्ती ठिकाणी जमीन उपलब्ध करून दिल्यास त्या मध्ये स्मशान शेड स्वखर्चाने बांधून देण्यात येईल असेही जिल्हा प्रमुख दत्ता सामंत यांनी सांगितले आहे.
या वेळी सामंत यांच्या सोबत पोईप सरपंच श्रीधर नाईक, बाळा गांवकर, शिवरामपंत पालव, पंकज वर्दम, कमलेश प्रभु, बाबाजी नाईक, मंगेश नाईक व इतर पदाधिकारी कार्यकर्ते उपस्थित होते. आपल्या विकास समस्या जाणून घेऊन त्या मार्गी लावण्याचे आश्वासन दिल्याने पोईप, खोटले, वायंगवडे धनगर समाज बांधवांच्या वतीने जिल्हा प्रमुख दता सामंत यांचे अभिनंदन करुन आभार मानले आहेत.
