कुडाळ : वालावल येथे शुक्रवार 2 ऑगस्टला निष्ठा यात्रा दौरा`संपन्न झाला. यावेळी राष्ट्रवादी काँग्रेस पार्टी शरदचंद्र पवार कुडाळ तालुका उपाध्यक्ष तथा वालावल विविध कार्यकारी सेवा सहकारी सोसायटी चेअरमन राजन वालावलकर यांचा आ. वैभव नाईक यांनी पुष्पगुच्छ व श्रीफळ देवून सन्मान करत पुढील वाटचालीसाठी शुभेच्छा दिल्या.
यावेळी वालावल गावात झालेल्या विकासकामांबाबत चर्चा करण्यात आली. झालेल्या विकासकामांचे श्रेय लाटण्याचे काम प्रति पक्षाकडून होत असल्याची खंत यावेळी व्यक्त करण्यात आली. गावात अलीकडेच झालेल्या महविकास आघाडीच्या बैठकीचा आढावा घेण्यात आला, तसेच वालावल जि. प. मतदार संघातील भेडसावणाऱ्या समस्या, प्रश्नावर आमदार नाईक यांनी मार्गदर्शन केले व कामाला लागा असे आदेश दिले. कोणतीही अडचण, परिस्थिती असो, आपण तुमच्या कायम सोबत आहोत अशी ग्वाही त्यांनी दिली. यावेळी वालावल गावातील शिवसेना (उद्धव बाळासाहेब ठाकरे) पदाधिकारी व असंख्य शिवसैनिक उपस्थित होते.
