मालवण । प्रतिनिधी : मालवण तालुका खरेदी विक्री संघाच्या पुढाकारातून आचरा येथील सरजोशी हाॅलवर उद्या शुक्रवार 2 ऑगस्ट रोजी सकाळी 10 वा. सहकार मेळाव्याचे आयोजन करण्यात आले आहे. भाजप नेते माजी खासदार निलेश राणे यांची प्रमुख उपस्थितीत मेळाव्यास असणार आहे.
बदलते सहकारी धोरण, सहकारातील संधी, आपल्या भागातील शेतकरी, व्यावसायिक यांना बदलत्या व आधुनिक टेक्नॉलॉजीच्या जमान्यात सहकारी तत्त्वांचा योग्य समन्वय साधून सहकारी पर्यायाने स्वतःचा विकास करणे या उद्देशाने सहकारात काम करणाऱ्या कार्यकर्त्यांचा मेळावा भाजप नेते निलेश राणे यांच्या प्रमुख उपस्थितीत आचरा येथे संपन्न होत आहे. या मेळाव्यात मालवण तालुका सहाय्यक निबंधक राहूल पोवार, सहकारी अधिकारी अजय हिर्लेकर, उद्योग व्यवस्थापन तज्ञ नंदकिशोर परब यांचे मार्गदर्शन मिळणार आहे.
तरी सहकारातील कार्यकर्ते, पदाधिकारी यांनी उपस्थित राहण्याचे आवाहन मालवण तालुका सहकारी खरेदी विक्री संघ चेअरमन राजन गांवकर व संचालक मंडळ यांनी केले आहे.
