टोपीवाला हायस्कुल व्यवस्थापन व पालक यांच्या मागणीनुसार शाळा परिसरातही औषध फवारणी
मालवण । प्रतिनिधी : मालवण शहरात हत्तीरोग रुग्ण सापडून आल्याच्या पार्श्वभूमीवर मालवण शहरात डास निर्मूलन करण्यासाठी औषधं फवारणी मोहीम शिवसेना (उद्धव बाळासाहेब ठाकरे) पक्षाचे आमदार वैभव नाईक यांच्या माध्यमातून सूरू करण्यात आली आहे. शहरातील टोपीवाला हायस्कुल व्यवस्थापन व पालक यांनी मागणी केल्या प्रमाणे संपूर्ण शाळा परिसरात औषध फवारणी करण्यात आली. डासांचा वाढता प्रादुर्भाव लक्षात घेता विद्यार्थ्यांच्या सुरक्षितातेच्या दृष्टीने ही औषध फवारणी करण्यात आल्याचे माजी बांधकाम सभापती मंदार केणी, माजी बांधकाम सभापती यतीन खोत, शिल्पा खोत यांनी माहिती देताना सांगितले. यावेळी गणेश लुडबे, शंकर निकम, किशोर तळाशीलकर, मनोज शिरोडकर, संदीप लुडबे उपस्थित होते.
मालवण शहरात दोन दिवस ही मोहीम सूरू असून संपूर्ण शहर परिसरात आणखी काही दिवस औषध फवारणी मोहीम अश्याच सातत्यपुर्ण पद्धतीने सूरू राहणार आहे. असे मंदार केणी यांनी सांगितले.
