मालवण : जिल्हास्तरीय कुस्ती स्पर्धेत जय गणेश इंग्लिश मीडियम स्कूलच्या कुमारी इशा केतन कोचरेकर (42 किलो गट) तसेच कु. गौतमी संतोष गावकर (33 किलो गट) यांनी प्रथम क्रमांक प्राप्त केला. या दोन्ही खेळाडूंची विभाग स्तरासाठी निवड झाली आहे.
तसेच चार खेळाडूंनी द्वितीय क्रमांक प्राप्त केला. यात कु. श्री नितीन हडकर 39 किलो गटात द्वितीय क्रमांक, कु. निधी विजय फाटक 46 किलो गटात द्वितीय क्रमांक, कु. रुद्र तोडणकर 52 किलो वजन गटात द्वितीय क्रमांक, कु. तनिष गजानन नवसरे 56 किलो वजन गटात द्वितीय क्रमांक मिळविला.
सर्व खेळाडूंचे मालवण एज्युकेशन सोसायटी मालवण, क्रीडाशिक्षक यांचे मार्गदर्शक लाभले. मुख्याध्यापिका व सर्व शिक्षक वृंद, शिक्षकेतर कर्मचारी व पालक यांनी अभिनंदन केले आहे.
