आमदार दीपक केसरकर यांनी व्यक्त केला विश्वास
सावंतवाडी : सावंतवाडी शहराचे वैभव म्हणजे ऐतिहासिक मोती तलाव. या तलावाच्या सुशोभीकरणाचे प्रयत्न शासनाच्या आणि नगरपालिकेच्या माध्यमातून करण्यात येतो. आमदार दीपक केसरकर यांच्या माध्यमातून मोती तलावात 'म्युझिकल फाऊंटन' सुरू होत आहे. या कारंजाचे पाहणी आमदार केसरकर यांनी गुरुवारी सायंकाळी केली.
सुमारे साडेचार कोटी निधीतून हा कारंजा उभारण्यात आला असून याच्या ट्रायल्स सुरू आहेत. त्या यशस्वी झाल्यानंतर त्याचे लोकार्पण होणार आहे. पर्यटनदृष्ट्या हा कारंजा सावंतवाडीतील मुख्य आकर्षण केंद्र ठरेल. इथे कारंजासह बोटींग, तलावाकाठी खाऊगल्ली, योगा सेंटर आदीही सुरू होणार आहेत. ऐतिहासिक राजवाडा, लाकडी खेळणी, हेल्थ पार्क, शिल्पग्राम आदी गोष्टी इथे आहेत. त्यामुळे पुढील काळात पर्यटन क्षेत्रात हे शहर आकर्षण ठरेल असा विश्वास आमदार दीपक केसरकर यांनी व्यक्त केला.
यावेळी प्रसाद महाले, प्रतीक बांदेकर, नंदू शिरोडकर, शैलैश मेस्त्री, सचिन मोरजकर आदी उपस्थित होते.
