दोडामार्ग : मुंबई उच्च न्यायालय,महाराष्ट्र राज्य विधी सेवा प्राधिकरण-मुंबई व जिल्हा विधी सेवा प्राधिकरण यांनी दिलेल्या निर्देशास अनुसरून दौडामार्ग दिवाणी न्यायालय क स्तर येथे १० मे रोजी सकाळी १० वा. राष्ट्रीय लोकअदालत आयोजित केली आहे. तालुका विधी सेवा समिती-दोडामार्ग व तालुका बार असोसिएशन यांच्या संयुक्त विद्यमाने ही लोकअदालत होणार आहे.
ज्या पक्षकारांचे दिवाणी न्यायालयात प्रलंबित दिवाणी व फौजदारीकडील खटले वा वादपूर्व प्रकरणे तडजोडीने मिटवायची आहेत, त्यांनी ती तालुका विधी सेवा समिती कार्यालयाकडे लवकर दाखल करावीत. ज्यांना प्रकरण चर्चेद्वारे मिटवायचे असेल, त्यांनी वादपूर्व चर्चेसाठी न्यायालयात उपस्थित राहवे वा तसे जमत नसेल, तर फोनद्वारे संपर्क साधावा.
